09 年 .....是我的新開始.....

今年要好努力咁做好自己...

賺多d錢....照顧我的最愛呢....

今年要做一個學生....做一個再全面d既球員,一個好d既教練.....

突破自己....

尋晚康文盃對南華,其實大家都打左輸數,但都講過要盡力而為,我地面對成隊甲一隊,我地反而打得好好,第一節只係落後八分,第二節仲領先兩分,第三節仲係打個和,果陣全場既打氣聲都係屬於我地既,但去到第四節大家既集中力好似冇晒咁, 一路都掛住去過人同埋射波,完全冇晒頭三節既氣勢,仲冇人返去防守,激死~~係咁比人地快攻同射三分,最後都輸成廿幾分.........只不過兩隊既身高同實力都有一段差距,輸都係正常既,不過如果我地場場波都打得咁好,我地一定會進步得好快.....

不過我隻手指尾又痛了,又要睇跌打了....

今日去左練波,原來我一d都唔了解自己既能力,原來有好多野我都可以做到,我唔係一個剩係識交波同防守既球員,經過今晚,我同自己打左一支強心針,聽日對甲一隊南華,雖然大家既身高同實力係有一段距離,但我地並唔係弱隊,聽晚要加油了~~

今晚又受傷了,身體好似有一兩度地方唔係好聽使,一有時間就要休息了~~

唉~我又一次五犯離場了~我既籃球生涯已經出現左兩次了~

由上次係教會打聖潔盃,同今次教會盃,都係五犯,唔通我真係魔鬼???所以我比人制裁???

算啦~我都係做得壞事多架喇.......

來緊既日子我都要做好多野,做一個好既球員,做一個好既教練,做一個好人,做一個好既男朋友,做一個好既阿哥,做一個好既仔........如果可以既話,我想做一個好既老闆.....

今晚比賽很刺激,雖然我全場得三分,但我既貢獻並唔只三分咁少,有進攻、有防守,仲令到人地主力三犯,有第一節我隊只係入得一分,係咁耐以來未曾試過咁低分數,但之後果三節先開始發輝出我地完本既既實力,最後只係羸一分,仲要係最後六秒果陣輸緊一分,叫完暫停之後大家都好似冷靜落來,開波後一如我地既戰術咁做到擋完走位射波,羸一分,哈哈.....超驚險~~搭車走果陣同一個前輩走,聽左佢對我既意見,令我諗通左好多野,我會努力的~~

但我雙腳睇來都要去休息下喇~~痛完左腳痛右腳了.....